十個女人九個寒，趕走宮寒皮膚好！
俗話有云：「十個女人九個宮寒，一個虛」，千其唔好因為咁就忽略宮寒呢個問題！
其實女仔宮寒係非常嚴重嘅健康問題，據臨床醫學專家估計，大約有60%嘅婦科疾病由宮寒所致，而且仲會影響生育。
想知你係唔係宮寒女？一齊睇睇以下徵狀：
1. 手腳容易冰冷，下腹寒冷
2. 精神狀態差，面色黯黃，容易疲倦，常腰酸腿軟
3. 月經異常，經期不規律，經期延遲，月經量少
4. 經血呈黑紅色，伴隨血塊及經痛
5. 小便頻繁，甚至失禁
6. 性慾減退，對性愛提不起勁
7. 容易肥胖，有肚腩 （宮寒時，身體就會派脂肪做「護宮使者」，係小腹部位置囤積脂肪幫子宮保暖）
如果你有以上大多數嘅症狀，你好可能就係「宮寒女」！
咁你就要學下點樣為子宮保暖啦！
1. 多食補氣暖身嘅食物
透過溫熱嘅飲食調理，蓄積體內熱能，令氣血暢通，保持子宮温暖，防止宮寒，例如平日可以食多啲核桃、棗類、羊肉、紅糖、桂圓同生薑等補氣暖身嘅食物，同埋黑米、黑木耳、黑棗等黑色食物。
2. 遠離生冷同寒性食物
女性體質屬陰，進食過多冷同寒性食物，人體要消耗好多能量嚟消化呢啲食物，亦係會消耗體內陽氣，容易導致「宮寒」。少食生冷食物，好似刺身、壽司、沙律同寒性食物例如苦瓜、白蘿蔔、西瓜、綠豆同海鮮等，唔好食啱啱喺雪櫃攞出嚟嘅食物，少飲綠茶、凍飲，防止寒氣入侵子宮。
3. 做足保暖工作
要為子宮保暖，就要做足保暖工作，特別要避免下身着涼。冬天時要著厚衫，為身體保暖，切忌著得太薄或太少同暴露雙腿，避免著露膝短裙，即使要著短裙，都應該著襪褲打底，防止寒氣從雙腳入侵子宮。
4. 保持腹部溫暖
子宮係最怕凍嘅器官，所以更加要保持腹部溫暖，預防「宮寒」。少啲著露腰衫、低腰褲，避免腹部着涼，經期間，亦可以係腹部敷暖水袋或貼上暖貼，為子宮保暖。
5. 溫熱水浸腳
俗話有云：「養樹需護根，養人需護腳」。 腳係人體第2個心臟，冬日寒冷天氣或空調冷氣都會令腳部血管收縮，影響血液運行，容易誘發疾病，以熱水浸腳能驅除寒冷，令全身溫暖。平日夜晚用熱水浸腳，能刺激足底嘅經絡同穴位，促進腳部血液循環，保持子宮溫暖之外，仲可以降低局部肌肉張力，消除疲勞，改善睡眠質素，達致養生保健作用。
6. 多做運動
運動可促進血液循環，改善體質，保持全身及子宮溫暖。成日唔做運動，坐係度唔郁，血氣就會唔流通，有損子宮。除咗多做運動，例如慢跑、瑜伽、行山等等外，最簡單嘅方法係競步（快步走），可以刺激足底嘅經絡同穴位，調暢氣血，改善血液循環，由今天起，要多做運動，驅除體內寒氣，為子宮保暖啦！
7. 千其唔好過度減肥
減肥消耗身體大量能量，寒氣容易乘虛而入，侵襲子宮！除此之外，過度減肥亦會消耗身體脂肪，然而適量嘅脂肪可以為身體保暖，小腹嘅脂肪更有效為子宮保暖，微胖女唔好再減肥啦！
8. 千其唔好長期處於冷氣空間
不論春夏秋冬，千其唔好長期開冷氣，因為令身體及子宮受寒氣侵擾。如果返工無可避免，係Office就要有外套，或以披肩保護腰部、雙腿同膝蓋，好好保暖；唔好坐係冷氣下面，避免冷風直吹頭部同頸部。
9. 遠離寒氣
地面、石面同鐵面呢啲表面冰凍嘅櫈都充斥寒氣，千其唔好係呢啲地方坐或者瞓，以免寒氣直接侵襲子宮。 如果唔小心俾雨淋、濕住頭髮俾冷風吹或者係無吹乾頭髮就去瞓教，一定要即刻飲生薑紅糖水嚟驅寒。
10. 飯前飲湯
飯前飲胡椒豬肚湯、酸辣湯、麻辣湯等性質溫熱嘅湯，唔單止可以佔據胃容量，減少食量從而達到瘦身效果，仲可以儲存體內熱能，有效保持子宮溫暖，防止「宮寒」。
