唔做好防曬,皮膚好易老!醒你幾個防曬嘅知識!

唔做好防曬 皮膚好易老 Tips 01

其實都到9月份,氣溫日日三十幾度,出汗之餘又出油,紫外線好傷害皮膚!
對於防曬嘅知識,你又知幾多?了解以下幾點做好防曬措施,保護皮膚!

防曬要注意咩?

1. ) 有啲人搽防曬好求其,要得到全面嘅防護,搽防曬要覆蓋到皮膚達到2mg/cm2厚度先有效(即每平方公分體表面積予2毫克)。

2.) 因應當日活動決定使用幾多係數嘅防曬產品,例如日常生活返工、出街,用SPF20已經可以;如果有水上活動,除咗係數要高之外,仲要揀有防水功效嘅防曬產品。

3.) 防曬產品的最佳塗抹時間是出門前的20-30分鐘,這樣出門迎接陽光時防曬產品才正好開始起作用,會接觸到陽光嘅部位都應該搽,唔好忽略耳朵、嘴角、髮線、手背等位置。

唔做好防曬 皮膚好易老 Tips pic2

UVA同UVB有咩分別?

UVA :

波長 320-400 nm ,可直達皮膚真皮層,皮膚傷害力好大,可引致斑點、皺紋、缺乏彈性等皮膚衰老問題,係令皮膚變差嘅主要元兇。PA (Protection Grade of UVA):針對UVA嘅防護指數,PA+代表輕度保護,可延緩 2-4 倍曬黑時間,+號越多,代表對UVA嘅保護力越強。

UVB:

波長 280-320 nm,能引起皮膚即時曬傷,令皮膚出現暗沉、紅腫、甩皮等現象,但相對UVA較易防護。SPF (Sun Protection Factor)針對UVB嘅防護指數,喺無任何防護下,我哋皮膚喺陽光曝曬下約15分鐘就會開始曬紅。如果SPF15意思即有15倍保護力,15×15=225分鐘,約3小時45分鐘嘅保護力。

防曬後點清潔?

每天都要認真做好防曬同時,潔面都好重要。如果當日搽咗高倍嘅防曬產品喺面部,就一定要用卸妝產品卸乾淨,之後再用潔面產品徹底洗淨面部。不過現在品牌也已經推出了普通潔面都可卸掉防曬產品。